ریاست اتر پردیش کے بارہ بنکی میں ایم ایل سی نشست کے انتخابات کے لئے ہفتہ کو ووٹنگ کا عمل امن و امان کے ساتھ مکمل ہو گیا۔ اس موقع پر رائے دہندگان میں خاصا جوش نظر آیا، جس کی وجہ سے کل 99.16 فیصدی ووٹ پڑے۔ ووٹنگ کے دوران سماجوادی پارٹی اور بی جے پی کے امیدواروں نے اپنی فتح کا دعویٰ کیا 99.16% voting for MLC elections in Barabanki۔
واضح ہو کہ ایم ایل سی انتخابات کے لئے صبح 6 بجے سے ووٹنگ کا عمل شروع ہوا جو شام تک کل 2853 ووٹرز میں سے 2829 ووٹرز نے اپنے حق کا استعمال کیا۔ اس طرح کل 99.16 فیصدی ووٹنگ ہوئی۔ ضلع کے 15 مراکز میں ہوئی ووٹنگ میں سب سے زیادہ حیدر گڑھ اور ترویدی گنج بلاک میں ووٹنگ ہوئی۔ دونوں جگہ 100-100 فیصدی ووٹنگ ہوئی ہے۔ ضلع میں سب کم ووٹنگ مسولی بلاک میں ہوئی ہے۔ یہاں کل 98.04 فیصدی ووٹنگ درج کی گئی ہے۔ امن امان کے ساتھ ووٹنگ مکمل ہونے سے انتظامیہ نے راحت کی سانس لی ہے۔
مزید پڑھیں:
ووٹنگ کے دوران ایس پی امیدوار راجیش یادو اور بی جے پی امیدوار انگد کمار سنگھ نے اپنی فتح کا دعویٰ کیا۔ انگد سنگھ کا دعویٰ ہے کہ وہ تمام مراکز پر بڑی تعداد میں حاصل ووٹوں سے فتح حاصل کر رہے ہیں۔
