ریاست اترپردیش میں پولیس کی جانب سے 24 مارچ سے 14 اپریل کے درمیان لاک ڈاون کی خلاف ورزی کرنے پر تقریباً 18 ہزار 571 مقدمات درج کیے گئے ہیں اور 44 ہزار 16 گرفتاریاں ہوئی ہیں۔
ریاست میں کورونا متاثرین کی تعداد میں مسلسل اضافہ ہو رہا ہے اعدادوشمار کے مطابق ریاست کے دارالحکومت لکھنو میں کورونا مثبت مریض کی تعداد تقریبا 75 ہے ایسے میں پولیس نے لاک ڈاون پر عمل آوری کو یقینی بنایا ہے، اور اس کی خلاف ورزی کرنے والوں کے خلاف کارروائیاں بھی کی ہیں۔
لاک ڈاون کے پہلے مرحلے کے دوران پولیس نے 16 لاکھ 50 ہزار 149 گاڑیوں کی چیکنگ کی گئی جن میں سے 3 لاکھ 85 ہزار 566 گاڑیوں کے چالان کاٹے گئے، جبکہ 22 ہزار 632 گاڑیوں کو ضبط کیا گیا ان کارروائیوں کے تحت چھ کروڑ 84 لاکھ 20 ہزار 460 روپے جرمانے کی شکل میں وصول کیے گئے۔
اے ڈی جی لاء اینڈ آرڈر پی وی راما شاستری نے بتایا کہ اتر پردیش میں لاک ڈاؤن کے پہلے مرحلے کے دوران سبھی مقدمات اور گرفتاریاں وبائی ایکٹ کے تحت کیے گئے ہیں۔
