کولگام میں عسکریت پسندوں کا حملہ، دو فوجی اہلکار زخمی

جنوبی کشمیر کے ضلع کولگام کے کھڈونی علاقے میں عسکریت پسندوں کے حملے میں دو فوجی اہلکار کے زخمی ہونے کی خبر ہے۔

ای ٹی وی بھارت کے نمائندے کے مطابق عسکریت پسندوں نے فوجی انٹلی جنس ونگ لے جانے والی ایک نجی گاڑی پر اس وقت حملہ کیا جب وہ سرینگر قومی شاہراہ پر کھڈونی کے مین جنکشن پر چل رہی تھی۔

بتایا گیا کہ حملہ آوروں نے پندرہ منٹ تک گولیاں چلائی جس کی وجہ سے نجی گاڑی میں سوار انٹلی جنس کے دو افسران زخمی ہو گئے

نمائندے نے بتایا کہ دونوں کو فوجی اسپتال منتقل کیا گیا۔

اس واقعے کے فوراً بعد سکیورٹی فورسز نے علاقے کو محاصرے میں لیا اور اور تلاشی کاروائی شروع کر دی
پولیس نے اس حملے کی تصدیق کی ہے۔