جموں وکشمیر کے ضلع کولگام میں آج صبح عسکریت پسندوں اور سکیورٹی فورسز کے درمیان تصادم جاری ہے۔ اس دوران تین عسکریت پسندوں کے ہلاک ہونے کی خبر ہے جبکہ دو سکیورٹی فورسز کے جوان زخمی ہوئے ہیں۔
ضلع کولگام کے نگند چیمبر علاقہ میں عسکریت پسندوں کی موجودگی کی اطلاع ملنے کے بعد سکیورٹی فورسز نے پورے علاقے کو محاصرہ میں لے لیا۔ تلاشی کے دوران سکیورٹی فورسز اور عسکریت پسندوں کے درمیان تصادم ہوگیا۔
جموں و کشمیر پولیس کے مطابق تصادم کے دوران تین عسکریت پسندوں کے ہلاک ہونے کی اطلاع ہے ۔
اس دوران سکیورٹی فورسز کے دو جوان بھی زخمی ہوگئے ہیں۔
فی الحال ہلاک شدہ عسکریت پسند کی شناخت نہیں ہوئی ہے۔ اطلاعات کے مطابق تصادم جاری ہے۔
