ناجائز تجاوزات کے خلاف کارروائی

جنوبی کشمیر کے ضلع کولگام کے ترقیاتی کمشنر کے ہمراہ محکمے مال کے تحصیلدار مختلف محکموں کی ایک مشترکہ ٹیم نے ضلع کے چک اشموجی میں 600 کنال اراضی پر ناجائز تجاوزات کو ہٹایا۔

زمین کو باضابطہ طور پر سرکاری کھاتے میں درج کیا گیا۔

کئی برس سے کئی خود غرض عناصر اور اثر ورسوخ رکھنے والے افراد نے اس زمین پر کاشت کرنا بھی شروع کیا تھا لیکن مشترکہ ٹیم نے آج اس زمین سے ناجائز قبضہ ہٹایا۔

اس موقع پر ضلع ترقیاتی کمشنر نے میڈیا سے بات کرتے ہوئے کہا کہ 'ہمیں اس زمین پر کئی صنعتیں بنانی ہیں اور اس زمین کو انڈسٹریل کے زمرے میں لایا جائے گا'۔

ترقیاتی کمشنر نے مزید کہا کہ 'یہ مہم آگے بھی جاری رہے گی'۔