ریاست اترپردیش کے ضلع ہاتھرس میں گذشتہ دنوں پیش آئے اجتماعی عصمت دری اور ہلاکت پر ناراض راجستھان کے کوٹا میں کانگریس ایس ٹی محکمہ کے کارکنوں نے مختلف تنظیموں کے ساتھ مل کر ضلع کلکٹریٹ پر ایک احتجاجی مظاہرہ کیا اور اتر پردیش یوگی آدتیہ ناتھ کا مجسمہ نظر آتش کیا۔
اسی دوران، اتر پردیش کے وزیر اعلی یوگی آدتیہ ناتھ حکومت کو برخاست کرنے کا مطالبہ کیا گیا۔ احتجاج کے بعد ضلع کلکٹر کو صدر جمہوریہ کے نام کا ایک میمورنڈم دیا گیا جس میں کانگریس ایس ٹی ڈیپارٹمنٹ کی طرف سے اجتماعی زیادتی کے مجرموں کو فوری طور پر پھانسی دینے کا مطالبہ کیا گیا۔
مزید پڑھیں:
راجستھان: نابالغ لڑکی کا ریپ کے بعد قتل، ملزم گرفت سے باہر
کوٹا ہاتھرس معاملے نے پورے ملک بھر میں اتر پردیش حکومت اور پولیس محکمے کو شرمندہ کردیا ہے احتجاجیوں نے کہاکہ اگر ان کی باتوں پر جلد عمل نہیں کیا گیا تو کوٹا شہر بند بھی کرایا جاسکتا ہے اور وسیع طور پر یوگی اور مودی حکومت کے خلاف احتجاج بھی انجام دیا جائے گا۔
