راجستھان پولیس کے مطابق کوٹہ شہر کے بور کھیڑا تھانہ علاقے میں باراں روڈ پر ایک کثیر منزلہ عمارت میں کھیلتے وقت ڈھائی سالہ بچہ جگدیش پانی کے ٹینک میں گر گیا۔ وہاں پر موجود کچھ لوگوں نے اسے ٹینک سے نکال کر فوری طور جے کے لون اسپتال پہنچایا تاہم وہاں ڈاکٹروں نے اسے مردہ قرار دے دیا۔
ادھر کوٹہ میں جواہر نگر علاقے میں ایک بزرگ شخص کی لاش ملی۔ کوٹہ سب ڈیویژنل کمشنر کے دفتر کے پاس صبح میدان میں ایک بزرگ شخص کی لاش پڑی ہونے کی اطلاع ملنے کے بعد موقع پر پہنچی پولیس نے لاش کو ایم بی ایس اسپتال پہنچایا۔
ہلاک شدہ کی شناخت ضلع کے سلطان پور علاقے کے امرپورا گاؤں کے رہنے والے کنیہا لال کے طورپر ہوئی ہے۔
پولیس نے متوفی کے گھر والوں کو اس بارے میں مطلع کیا ہے اور اس معاملے کی جانچ شروع کردی ہے۔
