مغربی بنگال کے دارالحکومت کولکاتا میں سابق جج اور وزیر نور عالم چودھری کا شہر کے ایک نجی ہسپتال میں طویل علالت کے بعد انتقال ہو گیا۔
نور عالم چودھری کی عمر 78 برس تھی، وہ گزشتہ چند برسوں سے بیمار تھے۔
پیر کی صبح ان کی طبیعت مزید بگڑ گئی جس کے بعد انہیں کولکاتا کے ایک نجی ہسپتال میں داخل کرایا گیا جہاں ان کی موت ہو گئی۔
لواحقین کا کہنا ہے کہ رات سے ہی ان کی طبیعت زیادہ خراب تھی جبکہ پیر کی صبح حالت مزید خراب ہو گئی۔
نور عالم چودھری جج کے عہدے سے ریٹائر ہونے کے بعد ترنمول کانگریس کے رکن اسمبلی بھی رہ چکے ہیں۔
ریٹائرڈ جج نور عالم چودھری رکن اسمبلی کے ساتھ ساتھ ریاستی وزیر بھی رہ چکے ہیں۔
ان کی موت پر حکمراں جماعت ترنمول کانگریس سمیت دیگر سیاسی جماعتوں نے تعزیت پیش کی۔
