کولکاتا: امیدوں کے برخلا ف ریزلٹ آنے کے بعد بنگال بی جے پی کے صدر دلیپ گھوش نے کہا کہ اب بھی ابتدائی رجحانات ہیں۔ ہم آخر تک نتائج کا انتظار کریں گے۔
دوسری جانب بی جے پی کے جنرل سیکریٹری کیلاش وجے ورگیہ جو بنگال بی جے پی کے انچارج ہیں، نے گرچہ شکست تسلیم نہیں کی ہے۔ تاہم انہوں نے کہا کہ امیدوں کے مطابق نتائج نہیں آئے ہیں۔ شام کے بعد ہم اس نتائج پر غور وفکر کریں گے۔
انہوں نے کہا کہ امیدواروں کے انتخاب میں کوئی غلطی نہیں ہوئی ہے۔
انہوں نے کہا کہ ان رجحانوں سے پتہ چلتا ہے کہ ترنمول کانگریس نے سبقت بنالی ہے اور اس کی کئی وجوہات ہوسکتی ہیں۔
انہوں نے کہا کہ ممتا بنرجی نے باہری، اندرونی اور ہمدردی کا جو کارڈ کھیلا ہے۔ یہ بھی ایک بڑی وجہ ہوسکتی ہے۔
دوسری جانب نندی گرام سے بھی ممتا بنرجی نے 2700ووٹ سے سبقت حاصل کرلی ہے۔
یو این آئی
