شبھندو ادھکاری کے ساتھ بہت برا ہوا:دلیپ گھوش

بی جے پی کے ریاستی صدر دلیپ گھوش کے مطابق شبھندو ادھکاری کے علاوہ پانچ اور ارکان اسمبلی بہت جلد ترنمول کانگریس چھوڑ کر بی جے پی میں شامل ہونے والے ہیں۔'

شھبندو ادھکاری کے وزرات سے مستعفی ہونے پر بی جے پی کے ریاستی صدر دلیپ گھوش کا ردعمل سامنے آیا ہے۔

بی جے پی کے رہنما کا کہنا ہے کہ 'شبھندو ادھکاری کا مستعفی ہونا طے تھا۔ خبر سن کر کوئی حیرانی نہیں ہوئی کیونکہ یہ پہلے سے طے تھا۔ 'شھبندو ادھکاری ایک اچھے سیاسی رہنما ہیں۔ وہ عوام میں کافی مقبول ہیں، عوام بھی ان کی بڑی عزت کرتے ہیں۔'

شبھندو ادھکاری کے ساتھ بہت برا ہوا:بی جے پی کے ریاستی صدر

رکن پارلیمان کا کہنا ہے کہ 'شھبندو ادھکاری اگر بی جے پی میں آنا چاہتے ہیں ان کا خیر مقدم کریں گے۔' دلیپ گھوش کے مطابق شبھندو ادھکاری کے علاوہ پانچ اور ارکان اسمبلی بھی بہت جلد ترنمول کانگریس چھوڑ کر بی جے پی میں شامل ہونے والے ہیں۔' انہوں نے کہا کہ 'ممتا بنرجی اور ابھشیک بنرجی کو چھوڑ کر باقی تمام رہنما ترنمول کانگریس چھوڑ کر چلے جائیں گے۔' بی جے پی کے رہنما کا کہنا ہے کہ 'عزت دار رہنما پارٹی میں رہنا نہیں چاہتے ہیں۔ ممتا بنرجی اپنے بھتیجے کو آگے بڑھانے کی کوشش میں اپنے پرانے اور وفادار ساتھیوں کو ناراض کر بیٹھی ہیں۔'

واضح رہے کہ ترنمول کانگریس کے ناراض رہنما شھبندو ادھکاری نے وزیر ٹرانسپورٹ کے عہدے سے استعفی دے دیا۔ شھبندو ادھکاری کا مستعفی ہونا ممتا بنرجی اور ان کی پارٹی کے لئے بہت بڑا جھٹکا تھا ۔

استعفی دینے کے بعد شبھندو ادھکاری ہفتے کو دہلی کے لئے روانہ ہوں گے قیاس آرائی ہے کہ بی جے پی میں شامل ہوں گے.

گزشہ کل شھبندو ادھکاری نے ہگلی ریور برج کمیشن کے چئیرمین کے عہدے سے استعفی دے دیا تھا۔