آئی ایس ایف کے رہنما حسین الزماں کے قتل معاملے میں تین اورملزمین گرفتار

ذرائع کے مطابق حسین الزماں قتل معاملے میں سی بی آئی کے ہاتھوں گرفتار ہونے والوں میں منظور الحق، امتیازالحق اور اشرافل علی شامل ہے۔

شمالی 24 پرگنہ کے گنگا تھانے علاقے سے سی بی آئی کی ایک ٹیم خصوصی چھاپہ ماری مہم کے دوران آئی ایس ایف کے رہنما حسین الزماں کے قتل کیسز میں تین اور لوگوں کو گرفتار کر لیا۔

مغربی بنگال میں اسمبلی انتخابات 2021 سے پہلے اور اس کے بعد سیاسی تصادم میں ہلاک ہونے والے کے معاملے کی تفتیش جاری ہے۔ وزارت داخلہ کی ہدایت میں سی بی آئی کی ٹیم نے ریاست کے مختلف اضلاع میں چھاپہ ماری مہم تیز کر دی ہے جس میں آئے دن لوگوں کی گرفتاری عمل میں آ رہی ہے۔

اسی کے مدنظر شمالی 24 پرگنہ کے دے گنگا تھانے علاقے سے سی بی آئی کی ایک ٹیم خصوصی چھاپہ ماری مہم کے دوران آئی ایس ایف کے رہنما حسین الزماں کے قتل کیسز میں مزید تین لوگ گرفتار کئے گئے۔

ذرائع کے مطابق حسین الزماں قتل معاملے میں سی بی آئی کے ہاتھوں گرفتار ہونے والوں میں منظور الحق، امتیازالحق اور اشرافل علی شامل ہے۔سی بی آئی نے باراسات عدالت میں تینوں کو پیش کیا جہاں انہیں مزید تفتیش کے لئے سی بی آئی کی تحویل میں بھیجنے کا حکم دیا گیا۔

سی بی آئی کا کہنا ہے کہ حسین الزماں کے قتل کیسز میں اب تک سات لوگوں کی گرفتاری عمل میں آ چکی ہے۔ یہ ایک سوچی سمجھی سازش کے تحت قتل کا معاملہ ہے تفتش جاری ہے۔

واضح رہے کہ مغربی بنگال میں اسمبلی انتخابات 2021 کے نتائج کے دوسرے دن یعنی تین مئی کو نامعلوم شرپسندوں انڈین سیکولر فرنٹ کے رہنما حسین الزماں کو پیٹ پیٹ کر ہلاک کر دیا تھا۔انڈین سیکولر فرنٹ نے حسین الزماں کے قتل کے لئے ترنمول کانگریس کے حامیوں کو قصور وار قرار دیا تھا۔ ترنمول کانگریس اس الزام کو بے بنیاد قرار دے رہی ہے۔