مغربی بنگال کے دارالحکومت کولکاتہ میں ہاکرس منی ٹرکوں میں اخبارات لے کر چھوٹی بڑی گلیوں میں جارہے ہیں اور لاؤڈ اسپیکر کے ذریعہ عوام سے اخبار خریدنے کی اپیل کررہے ہیں۔
کورونا وائرس کی خوف کی وجہ سے لوگ گھروں سے باہر نہیں نکل رہے ہیں اور جو نکل بھی رہے ہیں وہ اخبارات خریدنے سے منع کررہے ہیں۔
نیوز پیپر کے ہاکر نے کہا کہ لوگوں اخبار خریدنے سے کترارہے ہیں۔ انہیں خوف ہے کہ کہیں اخبار کے ذریعہ کورونا وائرس ان کے گھر میں داخل نہ ہوجائے ،اس لیے وہ اخبارات خریدنے سے پرہیز کررہے ہیں۔
ہاکروں نے کہا کہ ہم اخبارات کو لے کر گلیوں میں جارہے ہیں اور لوگوں سے اخبارات خریدنے کی اپیل کررہے ہیں ۔
اے این آئی ایجنسی کے مطابق کولکاتہ کے بیشتر علاقوں میں ہاکرس اخبارات تو علاقے میں لے کر جارہے ہیں لیکن خریدار نہ ہونے کی وجہ سے انہیں اخبارات واپس لاکر ردی میں ڈالنا پڑرہا ہے۔
