ریاست مغربی بنگال میں کورونا وائرس کے نئے کیسز کے آنے کا سلسلہ جاری ہے۔ اس وباء سے ڈاکٹرز، پو لیس، سرکاری اعلی عہدیداران پہلے ہی سے متاثر ہو چکے ہیں۔
اب اس فہرست میں کرکٹرز کے نام بھی شامل ہورہے ہیں۔ ابھیمنو ایشورن کورونا مثبت پائے جانے والے بنگال کے پہلے کرکٹر ہیں۔
کرکٹ ایسوسی ایشن آف بنگال کے جوائنٹ سکریٹری دیب برت داس نے کہا کہ بنگال رنجی ٹرافی ٹیم کے کپتان ابھیمنو ایشورن کے کورونا مثبت پائے جانے کی تصدیق ہوئی ہے۔
انہوں نے کہا کہ کرکٹر ابھیمنو ایشورن کو ہوم کورنٹائن میں رہنے کا مشورہ دیا گیا ہے۔ وہ اس وقت اپنے اپنے گھر میں احتیاطی تدابیر پر عمل کر رہے ہیں۔
جوائنٹ سکریٹری نے مزید کہا کہ پورے معاملے کی تفتیش کی جا رہی ہے۔ان کے رابطہ میں آنے والے کھلاڑیوں پر نظر رکھی جا رہی ہے۔
مزیدپڑھیں:
مالدہ کی پلاسٹک فیکٹری میں دھماکہ، پانچ کی موت
انہوں نے کہا کہ کورونا مثبت پائے جانے کے بعد ابھیمنو ایشورن رواں ماہ کے آخری ہفتے میں شروع ہونے والے ٹی-20 کرکٹ ٹورنامنٹ سے باہر ہو گئے ہیں۔ انہوں نے کہا کہ کورونا وائرس کے بعد بھارتی کرکٹ کی تاریخ کا یہ پہلا ٹورنامنٹ ہوگا۔
