مغربی بنگال اسمبلی انتخابات میں بی جے پی کی انتخابی مہم کو تیز کرنے کے لئے وزیر اعظم نریندر مودی اتوار کو کولکاتا کے بریگیڈ پریڈ گراؤنڈ میں ریلی سے خطاب کریں گے۔
وزیر اعظم کی اتوار کی ریلی کو اس سال فروری میں بی جے پی کے ذریعہ شروع کی جانے والی 'پریورتن یاترا' کا آخری پروگرام سمجھا جا رہا ہے۔
بی جے پی کے ایک رہنما نے کہا کہ 'وزیر اعظم بریگیڈ پریڈ گراؤنڈ میں ایک ریلی کے ساتھ ساتھ انتخابی مہم کی شروعات کریں گے۔'
اتوار کو ہونے والی ریلی ریاست میں آٹھ مرحلے کے اسمبلی انتخابات کی تاریخوں کے اعلان کے بعد مغربی بنگال میں بی جے پی کا پہلا بڑا پروگرام ہوگا۔
بی جے پی نے اس ریلی کو کامیاب بنانے کے لئے زیادہ سے زیادہ ہجوم جمع کرنے کا منصوبہ بنایا ہے۔
بی جے پی رہنما راہل سنہا نے کہا کہ ریلی ختم ہونے کے بعد بی جے پی امیدواروں کی فہرست جاری کی جائے گی۔
وزیر اعظم مودی کے علاوہ بی جے پی کے کئی سینئر رہنما بھی اس ریلی کے دوران موجود ہوں گے۔
