مغربی بنگال سمیت پانچ ریاستوں میں اسمبلی انتخابات کی تاریخوں کا اعلان ہوتے ہی ان ریاستوں میں سیاسی سرگرمیاں عروج پر جہاں سیاسی پارٹی ووٹرز کو راغب کرنے کے لیے ہر ہتھکنڈے اپنا رہی ہیں اور الزام تراشی کا سلسلہ جاری ہے۔
بانکوڑہ میں عوامی اجلاس سے خطاب کرتے ہوئے وزیر اعلی ممتا بنرجی نے بی جے پی کو تنقید کا نشانہ بنایا، انہوں نے کہا کہ' بی جے پی حکومتی ایجنسیز کا غلط استعمال کررہی ہے۔'
انہوں نے مزید کہا کہ بی جے پی حکومت ریلوے، بینک، ایل آئی سی، کول انڈیا اور متعدد سرکاری اثاثے کی نجکاری کرنے کی کوشش کررہی ہے، ان سے ملک سنبھل نہیں رہا ہے۔ آپ کا بینک میں جمع روپے واپس آپ کو ملے گا یا نہیں اس کے بارے میں آپ کو پتہ نہیں، اس نظام کے خلاف میں لڑائی لڑوں گی، میری لڑائی جاری رہے گی'۔
اس موقعے پر انہوں نے نوٹ بندی کو بدعنوانی قرار دیتے ہوئے لاکھوں کروڑ روپے غبن کرنے کا الزام عائد کیا۔ انہوں نے کہا کہ ان پیسوں کا استعمال الیکشن میں ہورہا ہے، لوگوں کے ووٹوں کو پیسے کی بل پر خریدا جارہا ہے۔'
