کولکاتا: ملک میں کورونا وائرس کے بڑھتے کیسز پر مغربی بنگال کی وزیر اعلی ممتا بنرجی نے بنگال میں انتخابات کے بقیہ تین مراحل کو ایک یا دو دن میں کرانے کی اپیل کی ہے۔'
انہوں نے کہا کہ' میں الیکشن کمیشن سے ہاتھ جوڑ کر اپیل کرتی ہوں کہ کووڈ 19 کے معاملات میں اضافے کے پیش نظر اخیر کے تین مراحل کو ایک یا دو دن میں مکمل کیے جائیں۔'
وزیر اعلی ممتا بنرجی نے آج ایک پریس کانفرنس میں کہا کہ مرکز کو چاہیے کہ وہ ویکسین، دوائیوں اور آکسیجن سلنڈروں کی آسانی سے فراہمی کو یقینی بنائے۔'
ممتا بنرجی نے لوگوں کو یقین دلایا اور کہا کہ گھبرانے کی ضرورت نہیں، مغربی بنگال نے کووڈ 19 کے معاملات میں اضافے سے نمٹنے کے لیے ایک ٹاسک فورس تشکیل دی ہے'۔
الیکشن کمیشن کے اعلان کردہ پروگرام کے مطابق بنگال کی تاریخ میں پہلی بار آٹھ مراحل میں انتخابات ہورہے ہیں۔ پانچ مرحلے کے انتخابات ہوچکے ہیں۔ اگلے تین مراحل کے لیے انتخابات 22 ، 26 اور 29 اپریل کو ہونا ہیں۔ نتائج کا اعلان 2 مئی کو کیا جائے گا۔
