کلکتہ ہائی کورٹ کی جسٹس مدھو میتامترا کے جلاس میں سی بی آ ئی کی عرضی پر سماعت کی ۔ جسٹس نے سماعت کے دوران سی بی آ ئی کی کولکاتا پولیس کے سابق پولیس کمشنر کی گرفتاری کی عرضی خارج کر نے کاحکم دیا ۔
جسٹس مدھو میتا مترا نے موجودہ آئی پی ایس افسر اور کولکاتا پولیس کے سابق کمشنر راجیوکمار کی گرفتاری پر 20 اگست تک روک لگانے کا حکم دیا ۔
راجیوکمار کے وکیل ملان مکھرجی نے کہاکہ میرے موکل کوسی جی او کمپلیکس میں حاضر ہونے کے لیے سمن جاری کیا تھا۔ ہم نے سی بی آ ئی کے سامنے پیشی سے بچنے کے لیے کلکتہ ہائی کورٹ میں عرضی داخل کی تھی ۔
انہوں نے مزید کہاکہ کلکتہ ہائی کورٹ نے ہمارے حق میں فیصلہ دیا ہے۔قانون پر پورا بھروسہ ہے ۔ آنے والے دنوں میں میرے موکل راجیو کمار بے قصوروار ثابت ہوں گے۔
واضح رہے کہ شاردا چٹ فنڈ بدعنوانی کیس میں سی بی آ ئی نے کولکاتا پولیس کے سابق پولیس کمشنر راجیوکمار کی گرفتاری کے لیے عدالت میں عرضی داخل کر رکھی ہے۔ سابق پولیس کمشنر راجیوکمار پر شاردا چٹ فنڈ کیس میں ثبوت مٹانے کا الزام ہے۔
