مغربی بنگال میں رواں اسمبلی انتخابات 2021 کے دوران ریاست میں کورونا وائرس کی دوسری لہر بھی تیز ہو گئی ہے۔
گزشتہ چند دنوں کے دوران مغربی بنگال میں کورونا وائرس کے نئے کیسز کے آنے کی رفتار میں تیزی سے اضافہ ہوا ہے۔ اس کے باوجود سیاسی سرگرمیاں جاری ہیں۔
کلکتہ ہائی کورٹ نے بھی الیکشن کمیشن سمیت تمام سیاسی جماعتوں کو انتخابی مہم کے دوران کورونا گائیڈ پر سختی سے عمل کرنے کی ہدایت دی ہے۔
شمالی دیناج پور کے گوال پوکھر سے ترنمول کانگریس کے موجودہ رکن اسمبلی، وزیر اور امیدوار محمد غلام ربانی کورونا مثبت پائے گئے۔
شمالی دیناج پور ترنمول کانگریس کے سربراہ کنہائی لال نے وزیر محمد غلام ربانی کے کورونا وائرس میں مبتلا ہونے کی اطلاع دی ہے۔ انہوں نے کہا کہ موجودہ وزیر اور ترنمول کانگریس کے امیدوار محمد غلام ربانی کی کورونا ٹیسٹ رپورٹ مثبت آنے کے بعد انہیں ہسپتال میں داخل کرایا گیا ہے۔
یہ بھی پڑھیں: جنوبی 24 پرگنہ اور جنوبی کولکاتا میں پولنگ پرامن رہیں
دوسری طرف مرشیدآباد ضلع کے جلنگی اسمبلی حلقے سے آر ایس پی کے امیدوار پردیپ نندی کے بھی کورونا وائرس میں مبتلا ہونے کی تصدیق ہوئی ہے۔
