ریاست مغربی بنگال کی وزیراعلیٰ ممتا بنرجی نے دارالحکومت کولکاتا کے ایک نجی ہسپتال ووڈلینڈ میں زیر علاج سورو گنگولی کی عیادت کرنے کے بعد کہا کہ گنگولی کا صحیح وقت پر صحیح علاج کے سبب خطرے سے باہر ہیں۔
انھوں نے کہا کہ میں جب انتہائی نگہداشت روم میں گئی تو وہ مجھ سے سوال کر رہے ہیں کہ دیدی آپ کی طبیعت کیسی ہے، یہ سن کر میں حیران رہ گئی، میں نے کہا کہ میں بالکل صحتیاب ہوں، اپنے بارے میں بتاؤ۔ انھوں نے کہا کہ ایک اسپورٹس مین کے اس طرح ہسپتال میں داخل ہونا حیرت کی بات ہے۔
وزیراعلیٰ ممتا بنرجی نے کہا کہ سورو گنگولی کی اس عمر میں اس طرح سے بیمار پڑنا حیران کی بات ہے، ایک اسپورٹس مین کے ساتھ ایسا ہو سکتا ہے تو ایک عام آدمی کا کیا حال ہوگا۔
سورو گنگولی کی فیملی سے بات چیت ہوئی ہے، میں نے سورو کی فیملی کو کوئی فکر نہ کرنے کی ہدایت دی ہے، سورو کے علاج کے لیے میڈیکل بورڈ قائم کیا گیا ہے، دوسری طرف ڈاکٹروں کا کہنا ہے کہ آرٹری میں تین بلاکیج پائے گئے ہیں لیکن اچھی بات یہ ہے کہ وقت سے پہلے اس کی تصدیق ہوئی ہے۔ قبل از وقت اس کی تصدیق ہونے سے بہتر طریقے سے علاج کیا جائے گا۔سوفیصد بہتری کا امکان روشن ہے۔
واضح رہے کہ آج دن میں سینے میں درد کی شکایت کے بعد سورو گنگولی کو دارالحکومت کولکاتا کے ایک نجی ہسپتال میں داخل کرایا گیا تھا، جس کے بعد وزیر داخلہ امت شاہ نے بیوی ڈونا گنگولی کو فون کرکے سورو گنگولی کی حالت اور علاج سے متعلق تفصیلی معلومات حاصل کی۔
