مغربی بنگال کے ریاستی چیف سکریٹری الاپن بنرجی نے گورنر جگدیپ دھنکر سے راج بھون میں ملاقات کی۔
دونوں رہنماؤں کے درمیان ایک گھنٹے سے زائد گفت و شنید جاری رہی۔
چیف سکریٹری الاپن بنرجی تحفہ وغیرہ لے کر راج بھون پنہچ کر گورنر جگدیپ دھنکر سے ملاقات کی اور مختلف موضوعات پر تبادلہ خیال کیا۔
ملاقات کے بعد گورنر جگدیپ دھنکر نے ٹویٹ کرتے ہوئے اپنے ٹوئٹر اکاؤنٹ پر لکھا کہ ریاستی چیف سکریٹری الاپن بنرجی کے ساتھ ملاقات بہت اچھی رہی۔
انہوں نے کہا کہ چیف سکریٹری کے ساتھ ایک گھنٹے تک بات چیت ہوئی اس دوران ریاست کی موجودہ صورتحال پر تبادلہ خیال کیا۔
تاہم گورنر جگدیپ دھنکر نے چیف سکریٹری کے ساتھ ہونے والی بات کا خلاصہ نہیں کیا۔
دوسری طرف چیف سکریٹری الاپن بنرجی نے گورنر جگدیپ دھنکر کے ہونے والی ملاقات کو مثبت قرار دیا، تاہم اس معاملے پر زیادہ کچھ کہنے سے انکار کیا۔
واضح رہے کہ گزشتہ روز ترنمول کانگریس کی سربراہ اور وزیراعلی ممتا بنرجی کی گورنر جگدیپ دھنکر سے ملاقات ہوئی تھی۔
اس ملاقات کے بعد سے ہی گورنر جگدیپ دھنکر کی جانب سے ریاستی حکومت مخالف ٹوئٹ کا سلسلہ بند ہو گیا۔
