بنگال کی صورت حال افغانستان اور شام سے زیادہ سنگین: بی جے پی

بی جے پی کے ریاستی صدر نے ایک بار پھر متنازعہ بیان دیتے ہوئے بنگال کی موجودہ صورتحال کا افغانستان، شام اور کشمیر سے موازنہ کیا۔

مغربی بنگال بی جے پی کے ریاستی صدر دلیپ گھوش اور تنازعہ کے درمیان آنکھ میں چولی دامن کا رشتہ ہے۔ دونوں ایک دوسرے کے بغیر رہ نہیں سکتے ہیں۔

بی جے پی رہنما

بی جے پی کے ریاستی اور رکن پارلیمان صدر اکثر و بیشتر ایسی بیان بازی کرتے ہیں جس سے بنگال کی سیاست میں گرماہٹ آ جاتی ہے۔ ان کی ایک بیان بازی سے پوری ریاست میں ہلچل مچ جاتی ہے۔ اس مرتبہ بھی کچھ ایسا ہی ہوا۔ شمالی دیناج پور کے رائے گنج میں چائے پر چرچہ کے دوران دلیپ گھوش کا کہنا ہے کہ مغربی بنگال کی صورتحال بہت اچھی نہیں ہے، جس کی وجہ سے روزانہ عام لوگوں کی جان جا رہی ہے۔ انہوں نے کہا کہ مغربی بنگال کی سکیورٹی کی موجودہ صورتحال افغانستان، شام اور کشمیر سے موازنہ کیا۔ اگر ایسا ہی مزید چند مہینوں تک چلتا رہا تو حالات اور خراب ہو جائیں گے۔ مغربی بنگال کی موجودہ صورتحال بہت ہی خراب ہو چکی ہے۔ لیکشن سے قبل مرکزی فورسز کی تعیناتی نہیں ہوتی ہے اس وقت خون خرابہ کا سلسلہ جاری رہے گا۔

حالات یہ ہیں کہ پولیس کو ایک ایف آئی آر درج کرنے کے لئے رہنماوں کی اجازت لینی پڑتی ہے۔ پولیس کے سامنے گولیاں چلتی ہیں، اس کے باوجود کس کی گرفتاری عمل میں نہیں آتی ہے۔

اس کو پولیس کی لاپرواہی نہیں کہیں گے تو اور کہیں گے۔ جس حکومت میں لوگوں کے چین سکون چھن جائے اسے فوراً ہٹا دینا چاہئے۔

بی جے پی کے ریاستی صدر کا کہنا ہے کہ ترنمول کانگریس کی قیادت والی ریاستی حکومت کو اکھاڑ پیھنکنے کے عام لوگوں کی مدد کی ضرورت ہے۔

انہوں نے کہا کہ ترنمول کانگریس کو اقتدار سے بے دخل کرنے کے لئے بی جے پی کے 130 کارکنان کی جان گنوا چکے ہیں اور ضرورت پڑی تو اور ایک سو حامیوں کو قربانی دیں گے لیکن ممتا کی حکومت اکھاڑ پھینکیں گے۔