ریاست مغربی بنگال میں کولکاتا کارپوریشن اور ہوڑہ کارپوریشن کے انتخابات کا اعلان کیا جا چکا ہے۔ اس کے بعد ریاست کے بلدیہ کا انتخاب بھی ہونے والے ہے۔
اس سلسلے میں کس کو امیدوار بنایا جائے گا بی جے پی کے رہنما دلیپ گھوش نے صاف کر دیا کہ کارپوریشن اور بلدیہ کے انتخابات میں فلمی ستارے نہیں ہوں گے۔
واضح رہے کہ اسمبلی انتخابات سے قبل بی جے پی پر پیسے سے لیکر ٹکٹ دینے کے متعدد الزام لگائے گئے تھے۔ کارپوریشن اور بلدیہ کے انتخابات میں ٹکٹ کے حوالے سے دلیپ گھوش نے میڈیا کو بتایا کہ کارپوریشن اور بلدیہ کے انتخابات میں پارٹی ورکرس کو ہی ٹکٹ دیا جائے گا۔
بی جے پی کے رہنما راہل سنہا کا کہنا ہے کہ پارٹی سے ان لوگوں کی صفائی ہوگی جو پارٹی کے لیے نقصاندہ ہیں۔ دلیپ گھوش نے بھی اس کی تائید کرتے ہوئے کہا کہ پارٹی میں جو لوگ ورکرس بن کر کام کریں وہی رہیں گے اور وہی لوگ پارٹی مضبوط کریں گے۔
کارپوریشن کے انتخابات کے لیے امیدواروں کی فہرست کے متعلق کہا کہ بہت جلد امیدواروں کی فہرست تیار کر لی جائے گی۔ امیدواروں کے نام پر غور و فکر کیا جا رہا ہے۔ اس کے لیے مختلف کمیٹیاں تشکیل دی گئی ہے اور کئی لوگوں کو ذمہ داری دی گئی ہے۔
