ریاست بہار کے شہر ارریہ میں ہریالی مارکیٹ میں کچرا جمع کرنے کے لیے زمین خرید کر شیڈ تعمیر کرایا گیا، جس کی سنگ بنیاد آج نگر پریشد کے چیئرمین رتیش رائے و دیگر اعلیٰ افسران نے رکھی۔
چئیرمین رتیش رائے نے کہا کہ بہت دنوں سے لوگوں کا مطالبہ تھا اور شہر میں بڑھتے گندگی کے انبار کو دیکھتے ہوئے یہ فیصلہ لیا گیا کہ ایک ایسی جگہ کا انتخاب کرکے پورے شہر کا کچرا وہاں جمع کیا جائے۔
پہلے اسٹال میں 6 لاکھ 17 ہزار کی لاگت سے شیڈ کی تعمیر کرائی جارہی ہے جبکہ اس بڑے احاطہ میں کئی اور جگہوں پر شیڈ کی تعمیر ہوگی۔
رتیش رائے نے یہ بھی کہا کہ یہاں صرف کچرا ہی پھینکنے کا کام نہیں ہوگا بلکہ یہاں ایسی مشین بھی لگائی جائے گی جس سے کچرے کو کمپوزٹ بھی کیا جائے گا۔
اس موقع پر موجود علاقے کے وارڈ کاؤنسلر سمت کمار سمن نے کہا کہ نگر پریشد کی یہ بڑی حصولیابی ہے جو آج پورا ہوا۔
انہوں نے کہا کہ کچڑا ڈمپنگ زون کے لیے نگر پریشد نے پانچ ایکڑ زمین لی ہے اس کے علاوہ یہاں پر تین ایکڑ زمین اور بھی لی جائے گی جس پر روز مرہ کے سامان بیچنے والوں کو دی جائے گی۔
انہوں نے کہا کہ ابھی یہ لوگ چاندنی چوک و دیگر جگہوں پر سائیکل، ٹھیلہ لگا کر سامان فروخت کرتے ہیں، جس کی وجہ سے شہر میں جام کا ایک مستقل مسئلہ بنا ہوا ہے۔
سمت کمار سمن نے کہا کہ ہم لوگوں کی کوشش ہے کہ شہر کے دیگر جگہوں کو بھی شناخت کرکے وہاں گرنے والے کچرے کے لیے الگ سے زمین مہیا کرایا جائے تاکہ سڑک کنارے چلنے والے عام مسافر کو اس سے دشواری نہ ہو۔
اس موقع پر وارڈ کونسلر لولی نواب، سابق وارڈ کونسلر کمال حق، نگر پریشد کے جونیئر انجنئیر منگل کمار وغیرہ بھی موجود تھے۔
