ریاست بہار کے ضلع ارریہ کا معروف عصری تعلیمی دانشگاہ 'گرلس آئیڈیل اکیڈمی' اپنے قیام کے پچیس برس مکمل کر رہا ہے۔
یہ ادارہ 25 جنوری 1995 میں قائم ہوا تھا اور 28 جنوری 2020 کو اپنے پچیس مکمل کریگا۔
اس موقع پریہ ادارہ گولڈن سلور جوبلی منا رہاہے اور اسی مناسبت سے ادارے میں کھیل کود و دیگر ثقافتی پروگرام کا آغاز کیا گیا ہے۔
اطلاع کے مطابق اس کے تحت منعقد کیے جانے والے پروگراموں میں اول، دوم اور سوم آنے والا طلبا کو مہمان خصوصی کے ہاتھوں انعام و اکرام سے نوازا جائے گا۔
سالانہ پروگرام میں طلباء کے لئے جو مقابلہ جاتی پروگرام منعقد کیا گیا ہے ان میں اردو، ہندی، انگریزی خوشخطی مقابلہ، مضمون نگاری ہندی، درخواست اردو، ہندی، انگریزی، تقریری مقابلہ سائنسی مقابلہ، پینٹنگ، اس کے علاوہ کھیل مقابلہ میں کبڈی، لونگ جمپ، ہائی جمپ، میوزیکل چئیر مقابلہ، دوڑ مقابلہ، کھو کھو، بیڈمنٹن، کیرم، رنگولی، کرکٹ، فٹ بال وغیرہ شامل ہیں۔طلبا کے درمیان دوڑ، کبڈی اور میوزکل چئیر مقابلہ کا انعقاد ہوا۔
اسکول کے ڈائریکٹر و بانی پروفیسر ایم اے ایم مجیب نے بتایا کہ یہ ہمارے لئے بے حدخوشی کی بات ہے کہ ادارہ نہایت کامیابی کے ساتھ اپنے پچیس برس مکمل کر رہا ہے، یہاں سےنکلنے والے ہزاروں طلبا و طالبات آج ملکی سطح کی اعلیٰ یونیورسٹیز میں زیر تعلیم ہیں، کئی طلباء مختلف میدان میں نمایاں خدمات بھی انجام دے رہے ہیں۔
آج سے ہم نے ادارے کی گولڈن سلور جوبلی کے لئے باضابطہ تیاریاں شروع کر دی ہیں، طلباء بھی یہاں کے منعقد ہونے والے مقابلوں میں دلچسپی سے شریک ہو رہے ہیں۔ پروفیسر ایم اے ایم مجیب نے کہا کہ کسی ادارے کو بحسن و خوبی بغیر کسی روک ٹوک کے یہاں تک لانا آسان نہیں ہوتا ہے ۔
