سرکاری کام کاج بند ہونے کے باوجود ضلع انتظامیہ کی جانب سے یا محکمہ کی جانب سے کوئی بات چیت کرنے کے لئے ان سے نہیں آرہا ہے. احتجاج کر رہے درجنوں معاون انجنئیروں نے حکومت کی غلط پالیسیوں اور باہر کی کمپنی 'بیلٹرون' کے خلاف نعرے بازی کی۔
ارریہ: معاون ایگزیکٹو انجنئیرز مسلسل 9 دنوں سے دھرنے پر احتجاج سے خطاب کرتے ہوئے یونین کے ضلع سکریٹری منیش ٹھاکر نے کہا کہ' حکومت نے اعلیٰ سطحی کمیٹی کے فیصلے کو درکنار کرتے ہوئے ہم لوگوں کو نجی کمپنی کے ہاتھوں سونپ دیا ہے، حکومت کا یہ فیصلہ منافع خوری کو بڑھاوا دینے والا ہے، یہی نہیں حکومت کا یہ فیصلہ ضلع کلکٹر کی صلاحیت پر بھی سوال کھڑا کرتا ہے جن کی نگرانی میں امتحان میں کامیاب ہوکر معاون انجنئیروں کی بحالی ہوئی ہے۔معاون انجنئیر دیپا جھا نے کہا کہ ہماری لڑائی حکومت سے نہیں بلکہ حکومت کی غلط پالیسیوں سے ہے، حکومت ہم سے بات کرنے کے بجائے ہم پر ظلم کر رہی ہے، ہمیں چوبیس گھنٹے میں ہڑتال ختم کرنے کا چیتاونی دی گئی ہے، مگر یاد رہے ہم حکومت کے آگے جھکنے والے نہیں ہیں، آخر وقت تک حکومت کے اس غلط فیصلے کی مخالفت کریں گے۔ اس موقع پر سنجو کمار، ابھیشک کمار، آلوک جھا، دلشاد عالم، نیدھی کماری، میگھا کماری، غوثیہ پروین، انو پریہ، ورثہ رانی وغیرہ نے بھی اس معاملے پر اظہار خیال کیا۔
