پرچہ نامزدگی کے بعد کالج انتظامیہ کے ذریعہ پرچہ نامزدگی کی درستگی کی جانچ کی جائے گی، پرچہ نامزدگی میں اگر کسی طرح کا کوئی کالم چھوٹ گیا ہو یا مطلوبہ دستاویز نہیں لگائے گئے ہوں تو امیدواروں کے پرچہ نامزدگی رد بھی کیا جا سکتا ہے۔ جبکہ 14 مارچ کو طلباء یونین کا انتخاب ہونا ہے جس کے لیے کالج انتظامیہ بھی پوری تیاری کر لی ہے'۔
آج کل 14 امیدواروں نے پرچہ نامزدگی داخل کیا جس میں آٹھ امیدوار اکھل بھارتی ودھیارتی پریشد کے ہیں، جبکہ چھ امیدوار عظیم اتحاد کے شامل ہیں۔ آج جن عہدوں کے لیے طلباء نے پرچہ داخل کیا ان میں صدر کے عہدے کے لیے اے بی وی پی کی جانب سے راہل کمار جھا، ساگر کمار جھا جنرل سیکرٹری، پربھات کمار نائب صدر، سکریٹری رمجھم کماری، آکاش کمار خزانچی کے علاوہ ارکان کے عہدے کے لیے انشو پریا، منیش کمار اور کوشل کمار نے پرچہ داخل کیا۔
دوسری جانب عظیم اتحاد طلباء یونین کے امیدواروں میں صدر عہدے کے لیے جن ادھیکار پارٹی سے راجیو پوددار، جنرل سیکرٹری کے لیے راجد سے مہتسیم اختر، نائب صدر شامیہ شیخ، سکریٹری نیرج کمار یادو اور خزانچی کے لیے سمیت کمار نے پرچہ داخل کیا۔
غور طلب ہے کہ ارریہ کالج میں اس وقت ماحول پوری طرح سے انتخابی ہو گیا ہے، طلباء یونین کے امیدوار کالج کی ترقی اور مسائل حل کرنے کے وعدے کے ساتھ اپنی اپنی تال ٹھوک رہے ہیں۔
جنرل سکریٹری کے امیدوار مہتسیم اختر نے کہا کہ' گزشتہ انتخاب میں یہاں کے طلباء نے اے بی وی پی کو اپنا نمائندہ منتخب کیا تھا تاکہ وہ یہاں کے مسائل کو حل کریں گے لیکن ایسا کچھ بھی نہیں ہوا، کالج کے مسائل جوں کے توں رہے۔ وہیں اے بی وی پی کی جانب سے صدر امیدوار راہل کمار جھا نے کہا کہ' اے بی وی پی گزشتہ دنوں کالج کے کے لیے بہت سارے کام کیے ہیں، اسے ہی مدعا بنا کر ہم لوگ طلباء سے رابطہ کر رہے ہیں ہمارے تمام امیدواروں کی جیت یقینی ہے۔
