حیدرآباد: بھارت اور بنگلہ دیش کے درمیان کانپور کے گرین پارک اسٹیڈیم میں کھیلے گئے دوسرے ٹیسٹ میچ میں روہت شرما کی ٹیم نے نظم الحسن شانتو کی ٹیم کو سات وکٹوں سے شکست دے دی۔ اس کے ساتھ ہی بھارتی ٹیم نے بنگلہ دیش کے خلاف دو ٹیسٹ میچوں کی سیریز میں 2-0 سے کلین سویپ کر لیا ہے۔
اس سیریز کے دوسرے میچ کے آغاز سے قبل بنگلہ دیش کے اسٹار آل راؤنڈر شکیب الحسن نے ریٹائرمنٹ کا اعلان کر دیا تھا۔ انہوں نے کہا تھا کہ 'میں اپنا آخری ٹیسٹ میچ جنوبی افریقہ کے خلاف اپنے ہوم گراونڈ میرپور میں کھیلنا چاہتا ہوں لیکن اگر ایسا نہیں ہوا تو بھارت کے خلاف یہ میرا آخری ٹیسٹ میچ ہوگا'۔
واضح رہے کہ شکیب پر بنگلہ دیش میں قتل کا مقدمہ درج ہے جس کی وجہ وہ شیخ حسینہ کی حکومت گرنے کے بعد اپنے وطن واپس نہیں گئے ہیں۔ شکیب نے اس تعلق سے بورڈ سکیورٹی بھی طلب کی جس پر بورڈ خصوصی سیکورٹی دینے سے منع کردیا۔
Virat Kohli gifted his bat to Shakib Al Hasan. ❤️
— Tanuj Singh (@ImTanujSingh) October 1, 2024
- Such a lovely gesture by The GOAT. 🐐 pic.twitter.com/rwg1BjsJa1
جس کے بعد یہ واضح ہوگیا کہ اگر شکیب کو جنوبی افریقہ کے دورے کے لیے بنگلہ دیشی ٹیم میں منتخب نہیں کیا گیا تو وہ بھارت کے خلاف کانپور ٹیسٹ میچ ان کا آکری ٹیسٹ میچ تھا۔ کانپور ٹیسٹ میں فتح کے بعد بھارتی کرکٹ ٹیم کے اسٹار بلے باز ویراٹ کوہلی نے بڑے دل کا مظاہرہ کرتے ہوئے اپنا دستخط شدہ بیٹ شکیب الحسن کو تحفے میں دیا۔
ویراٹ کی جانب سے بلے کا تحفہ وصول کرتے ہوئے شکیب بہت خوش نظر آئے۔ اس دوران دونوں کے درمیان بات چیت بھی ہوئی اور ویراٹ نے شکیب کو ان کے مستقبل کے لیے مبارکباد بھی دی۔
واضح رہے کہ بھارت نے بنگلہ دیش کو پہلے ٹیسٹ میچ میں 280 رنز اور دوسرے ٹیسٹ میں 7 وکٹوں سے شکست دی تھی۔ روی چندرن اشون نے اس سیریز میں پلیئر آف دی میچ کا ایوارڈ حاصل کیا۔ انہوں نے 114 رنز بنائے اور مجموعی طور پر 11 وکٹیں حاصل کیں۔ بھارتی ٹیم اب 6 اکتوبر سے سوریہ کمار یادو کی کپتانی میں بنگلہ دیش کے خلاف 3 میچوں کی ٹی 20 سیریز کھیلتی نظر آئے گی۔
یہ بھی پڑھیں بنگلہ دیش کرکٹ ٹیم کے سابق کپتان پر قتل کا مقدمہ درج |
