”کےسی آر نے مسلم اور گریجن طبقہ کو دھوکہ دیا”

تلنگانہ کانگریس نے بدھ کے روز ضلع کریم نگر کے حلقہ حضورآباد میں حکومت کے خلاف بڑے پیمانہ پراحتجاجی دھرنا منظم کیا، اس موقع پر تلنگانہ کانگریس کے صدر اتم کمار ریڈی نے خطاب کرتے ہوئے ریاستی حکومت کو ہدف تنقید بنایا۔

انھوں نے کہا کہ ٹی آر ایس کی حکومت نے عوام کے ہر طبقہ کے ساتھ نہ انصافی کی، اور دھوکہ دیا، انھوں نے کہا کہ مسلم اور دلت طبقہ سے جھوٹ بول کر ،کے سی آر، نے ووٹ حاصل کیا، مسلم اور گریجن طبقہ کو 12 فیصد تحفظات فراہم کرنے کا وعدہ کیا اور صرف چار مہینے کے اندر اس پر عمل آواری کا اعلان کیا تھا مگر چھے برس گزر ہوچکے ہیں، آج تک اس پر عمل تو دور سپریم کورٹ یا مرکزی حکومت سے اس کی منظوری حاصل کرنے کی کوشش تک نہیں کرپائے۔
جبکہ دوسری جانب ریاست مہاراشٹرا میں مراٹھاوں کو وہاں کی حکومت نے بارہ فیصد تحفظات دینے کے وعدہ پر عمل کردکھایا۔ انھوں نے کہا کہ تلنگانہ کے وزیراعلی کے سی آر اپنی نہ اہلی کی وجہ اس کام کو انجام نہیں دے پائے ہیں۔
اس موقع پر انھوں ٹی آر ایس رہنماوں اور پولیس کو انتباہ دیا کہ کانگریس کارکنوں کو ہراساں کرنے کے کسی بھی اقدام کو برداشت نہیں کیا جائے گا۔