ریاست اترپردیش کے شہر کانپور کے کارڈیالوجی اسپتال کے آئی سی یو شعبے میں اچانک آگ لگنے سے افراتفری کا ماحول پیدا ہوگیا، لیکن فائر بریگیڈ کی ٹیم اور اسپتال انتظامیہ نے کسی طرح سے ریسکیو کر کے 140 مریضوں کو آئی سی یو سے حفاظت کے ساتھ نکال کر کارڈیالوجی کی دوسری بغل میں موجود بلڈنگ میں شفٹ کر دیا گیا، کچھ مریضوں کو ہیلیٹ ہسپتال میں بھی شفٹ کیا گیا ہے۔
آئی سی یو گراؤنڈ فلور میں دھواں بھر جانے کی وجہ سے پہلی منزل پر زیر علاج مریضوں کو بھی دشواریوں کا سامنا کرنا پڑ رہا تھا، فی الحال دس ایمبولینس اور فائر بریگیڈ کی سات گاڑیاں اسپتال میں زیر علاج مریضوں کو بچانے کی مدد میں لگی ہوئی ہیں۔
فی الحال آگ پر قابو پا لیا گیا ہے اور کسی طرح کا جانی نقصان نہیں ہوا ہے، اس حادثہ پر وزیر اعلی یوگی آدتیہ ناتھ بھی نظر بنائے ہوئے ہیں اور تمام ہدایات متعلق افسران کو جاری کر رہے ہیں، آگ کن وجوہات سے لگی ہے اس کا ابھی تک پتہ نہیں لگایا جا سکا ہے
اس حادثے کو اترپردیس کے وزیراعلیٰ یوگی آدتیہ ناتھ از خود نگرانی کرتے ہوئے متعلق تمام افسران کو احکام جاری کیا ہے کہ تمام مریضوں کی حفاظت کی جائے اور انہیں مکمل علاج دیا جائے۔ اسی کے ساتھ انہوں نے اس حادثے کی تحقیق کرنے کے لیے ایک ہائی لیول کمیٹی بھی تشکیل دے دی ہے، جس میں ڈی جی، فائر سروس، ڈویژنل کمیشنر کانپور کے ساتھ چیف سیکریٹری ہیلتھ ایجوکیشن کو شامل کیا گیا ہے۔
وزیر اعلی نے یہ بھی حکم جاری کیا ہے ہاسپٹل میں آگ سے محفوظ رکھنے کی تمام سہولیات جدید طریقے سے مکمل کی جائے تاکہ آئندہ کسی طریقے کا کوئی معاملہ سرزد نہ ہونے پائے۔
