ریاست اترپردیش کے شہر رامپور میں جنم اشٹمی کے موقع پر نکلنے والی شوبھا یاترا میں خورشید بینڈ نے اپنی ٹیم کے ساتھ اس میں شامل ہوکر اپنے بینڈ سے دیا فرقہ وارانہ ہم آہنگی کا پیغام دیا۔
شری کرشنا کے جنم اتسو کے موقع پر رامپور میں روایتی انداز میں شوبھا یاترا کا اہتمام کیا گیا۔
یاترا رامپور کے پرانہ گنج واقع وشنو مندر سے شروع ہو کر گاندھی سمادھی پر جاکر اختتام پذیر ہوئی۔
اس 73 ویں جنم اتسو شوبھا یاترا کے موقع رنگا رنگ تہذیب و ثقافت کی جھلکیاں نظر آئیں۔
ہندو دیوی دیوتاؤں کی شکل اختیار کرکے تمام فن کاروں نے اپنے اپنے فن کا بخوبی مظاہرہ کیا،ساتھ ہی مقامی لوگوں نے بھی اس یاترا کا تہہ دل سے استقبال کیا۔
واضح رہے کہ 'ہندو مذہب کی روایت کے مطابق نکلنے والی اس شوبھا یاترا میں مسلمانوں نے بلا تفریق مذہب و ملت اپنا تعاون پیش کرکے مذہبی رواداری کا پیغام دیا'۔
خورشید احمد کی بینڈ پارٹی نے اپنے تمام ہی مسلم فن کاروں کے ساتھ اس شوبھا یاترا میں اپنی موسیقی سے تمام لوگوں کو محذوذ کیا۔
اس قسم کی چھوٹی کوششیں ہی صحیح لیکن اگر ہندوستانی سماج کا ہر فرد اپنی ذمہ داری کو سمجھتے ہوئے مختلف موقعوں اور ایک دوسرے کے تہواروں پر اپنا تعاون پیش کرے تو ملک کو فرقہ وارانہ ہم آہنگی کا گہوارا بننے سے کوئی نہیں روک سکتا۔
