Demand to Repeal CAA: مولانا ارشد مدنی کا این آر سی اور سی اے اے کو بھی واپس لینے کا مطالبہ

اترپردیش کے کانپور میں منعقدہ آل انڈیا مسلم پرسنل لا بورڈ کے پروگرام میں شرکت کرنے پہنچے بورڈ کے نائب صدر مولانا ارشد مدنی نے کہا کہ حکومت کو زرعی قوانین کی طرح سی سی اے اور این آر سی کو بھی واپس لینا چاہیے۔

کانپور: اترپردیش کے کانپور میں آل انڈیا مسلم پرسنل لا بورڈ کا دو روزہ اجلاس ہفتہ کو جاجمؤ علاقے میں موجود دار التعلیم و السنہ مدرسے میں شروع ہوا، جس میں شرعی مسائل پر گفتگو ہوئی۔ اس موقع پر جمعیت العلمائے ہند کے قومی صدر مولانا ارشد مدنی نے وزیر اعظم نریندر مودی کے ذریعے زرعی قوانین کو واپس لینے کے اعلان کا خیر مقدم کیا، ساتھ ہی سرکار سے مانگ کی کہ وہ این آر سی اور سی سی اے قانون کو بھی واپس لے۔

مولانا ارشد مدنی نے مزید کہا کہ ہندوستان کی تاریخ میں یہ پہلی بار ہوا ہے کہ کوئی تحریک اتنی لمبی چلی ہو، اس کے لئے کسان مبارکباد کے مستحق ہے، کسانوں نے سی سی اے تحریک سے سبق لیا تھا، جب پورے ملک کے اندر مسلم مرد و خواتین سراپا احتجاج تھیں۔ زرعی قوانین کسانوں سے جوڑا ہوا ہے اور سی اے اے، این آر سی قومی مسئلہ ہے، اس پر سرکار کو غور و فکر کر واپس لینا چاہیے۔

انہوں نے مزید کہا کہ اگر سی اے اے اور این آر کو واپس نہیں لیا گیا تو مستقبل میں مسلمانوں کے لئے پریشانی کو سبب بنے گا، جس طرح مرکزی سرکار نے زرعی قوانین واپس لینے کا اعلان کیا ہے اسی طرح سی اے اے اور این آر سی قانون کو واپس لے۔