ریاست کرناٹک کے ضلع گلبرگہ میں کافی تیزی کے ساتھ کورونا کے نئے کیسز میں کمی واقع ہوئی ہے، ریاستی وزیر برائے معدنیات مرگیش نرانی نے ضلع کمشنر ہال میں پریس کانفرنس کے دوران کووڈ 19 کنٹرول کے لیے ضلع انتظامیہ کی کارکردگی کی ستائش کی۔
انھوں نے کہا کہ 20 روز قبل ریاست کرناٹک میں سب سے زیادہ کورونا مریضوں کی تعداد کے معاملے میں ضلع گلبرگہ تیسرے مقام پر تھا لیکن اب ضلع انتظامیہ کی مسلسل کوششوں کی وجہ سے 30 ویں مقام پر پہنچ گیا ہے۔
وزیر مرگیش نرانی نے مزید کہا کہ ضلع میں آکسیجن، ریمیڈیسیور انجیکشن اور بیڈ کی کوئی قلت نہیں ہے۔ بلیک فنگس مرض کے علاج کے لیے بھی انجیکشن کی کوئی کمی نہیں ہے۔
