کرناٹک: آٹھ جون سے تمام مذہبی مقامات کھولنے کا حکم

کرناٹک میں 8 جون سے سبھی مذہبی مقامات کو کھولنے کی اجازت دی گئی ہے۔ مذہبی رہنماؤں نے عبادت گاہوں میں آنے والے سبھی افراد سے اپیل کی ہے کہ عبادت گاہوں میں آنے سے قبل تمام افراد ماسک، سینیٹائزر، اورسماجی فاصلے کا خاص خیال رکھیں۔

ریاست کرناٹک میں ریاستی حکومت کی جانب سے تمام مذہبی مقامات کو 8 جون سے کھولنے کی اجازت دی گئی۔

عالمی وبا کورونا وائرس کے پیش نظر 24 مارچ سے وزیر اعظم نریندر مودی کی جانب سے مکمل لاک ڈاؤن کا حکم دیا گیا تھا، جس کے پیش نظر تمام اجتماعی مراکز کے ساتھ ساتھ سبھی مذہبی مقامات کو بھی بند کردیا گیا تھا۔

اب لاک ان ون کے نفاذ کے بعد ان تمام مقامات کو حکومت کے ہدایات مطابق کھولا جا رہا ہے، جس کے سبب تمام مذہبی رہنماؤں نے خوشی کا اظہار کیا ہے۔

اس موقع پر تمام مذہبی رہنماؤں نے لوگوں سے اپیل کی ہے کہ عبادت گاہوں میں آنے سے قبل سینیٹائزر ماسک اور سماجی فاصلے کا خیال رکھیں۔