نمائندے کے مطابق یوتھ کانگریس سے وابستہ متعدد کارکنان نے جموں کے ترکوٹانگر میں واقع بی جے پی دفتر کے باہر ایک احتجاجی ریلی کا اہتمام کیا۔
ریلی میں شامل یوتھ کانگریس کارکنان نے بھاجپا کے خلاف نعرے بازی کرتے ہوئے ریاست میں مجوزہ حد بندی قانون کو جلد لاگو کرنے کی مانگ کی۔
ذرائع ابلاغ کے نمائندوں سے بات کرتے ہوئے یوتھ کانگریس جموں کے صدر کا کہنا تھا کہ ’’جموں کی عوام کے ساتھ بھاجپا نے ہمیشہ استحصال کیا ہے۔‘‘
انکا مزید کہنا تھا کہ اگر ریاست میں حد بندی قانون کا نفاذ عمل میں لانا ہے تو اسے فی الفور اور اسمبلی انتخابات سے قبل ہی نافذ کیا جانا چاہئے۔
انکا مزید کہنا تھا کہ ’’بھاجپا نے انتخابات سے قبل جموں کی عوام سے کئی وعدے کیے تھے جن میں جموں اسمبلی نشستوں کی حد بندی، دفعہ 370اور 35اے کو ہٹانے کے ساتھ ساتھ وزیر اعلیٰ ایک ہندو کو بنانا شامل ہے۔
’’تاہم ابھی تک ان میں سے کسی ایک پر بھی بھاجپا نے عمل نہیں کیا۔ جو جموں کی عوام کے ساتھ صریح دھوکہ ہے۔‘‘
دریں اثناء یوتھ کانگریس لیڈر نے ریاست کرناٹک کی سیاسی صورتحال پر بھی بھاجپا کو تنقید کا نشانہ بناتے ہوئے کہا کہ ’’بے جے پی ہر صورت میں اقتدار پر قابض ہونا چاہتی ہے۔‘‘
