پبلک سیفٹی ایکٹ کے تحت تین گرفتار

ریاست جموں و کشمیر کے ضلع ڈوڈہ میں ضلع ترقیاتی کمشنر ساگر ڈی ڈائفوڑ نے تین افراد کو پبلک سیفٹی ایکٹ کے تحت حراست میں لینے کا حکم جاری کیا۔

ڈائفوڑ نے یہ حکم ضلع میں امن و امان قائم کرنے کے غرض سے جاری کیا۔

مذکورہ افراد کی شناخت نجم الثاقب، رحمت اللہ اور شکیلہ تایا کے طور پر ہوئی ہے۔

پولیس کے مطابق ثاقب کو ضلع میں بدنظمی پیدا کرنے کے لیے، رحمت اللہ کو مویشیوں کی سمگلنگ اور تایا کو منشیات فروشی کے الزام میں گرفتار کیا گیا۔

ایس ایس پی پولیس صاحبیر ملک کا کہنا ہے کہ ایسے عناصر کے خلاف آگے بھی کاروائی جاری رہے گی۔