تحصیلدار منڈی نے ضلع ترقیاتی کمشنر پونچھ کی ہدایت کے مطابق جلوس کو نہ نکالنے کی اپیل کی، کورونا وائرس کے سبب پچیس افراد کو ہی ایک اجتماع میں شامل ہونے کی اجازت ہوگی اور ان تمام افراد کو کورونا گائیڈ لائنس پر عمل کرنا لازمی ہوگا۔ اس سے زیادہ کی ایک وقت میں اجازت نہ ہوگی۔
تحصیل منڈی نے تمام محکمہ جات کو سختی سے محرم الحرام کے دوران اپنے اپنے امور کو صحیح ڈھنگ سے پورہ کرنے اور انہیں بروقت انجام دینے پر زوردیا۔
انہوں نے منڈی ساتھرہ اور پلیرہ جیسے شعیہ آبادی والے علاقوں میں محرم الحرام کے دوران تمام سہولیات کو بہم پہچانے پر زور دیا اور تمام انجمنوں سے بھی اپیل کی کہ وہ انتظامیہ کی جانب سے تمام تر ہدایات پر عمل پیرا رہیں۔ تاکہ عوام کو کسی طرح کی مشکلات کا سامنا نہ ہے۔ انہوں نے مزید اس بابت بھی نشاندہی کی کہ پولیس انتظامیہ ان ایام میں امن و عمل میں رخنہ ڈالنے والے افراد پر کڑی نظر رکھیں۔
مزید پڑھیں: ماہ محرم الحرام کی اہمیت و فضیلت
اس میٹنگ میں ایس ایچ او منڈی، بلاک ڈیولمنٹ آفیسر منڈی، جونیر انجینیر جل شکتی، اسسٹنٹ ایکزیکٹیو انجینیر محکمہ بجلی، تحصیل سپلائی آفیسر منڈی، فائر سروس و دیگر ملازمین نے بھی شرکت کی۔ تنظیم المومنین منڈی کے صدر نجم الحسن جعفری، انجمن گلشن حسینی کے صدر اصغر علی میر پلیرہ اور ساتھرہ انجمن اٰل محمد کے صدر سید شوکت حسین کاظمی کے علاوہ شمیم الحسن انصاری، سرپنچ مبشر حسین بانڈے، سبطین انصاری، تصدق حسین، لیاقت علی جعفری کے علاوہ سول سوسائٹی منڈی کے ممبران وسرپنچ بائیلہ خواجہ عبدالرزاق بھی شامل رہے۔
