شیو سینا کی جموں و کشمیر یونٹ نے تمام محاذوں پر حکومت کی مبینہ ناکامیوں کے خلاف جموں میں احتجاجی مظاہرہ کیا۔ مظاہرین نے جموں و کشمیر کے جائز حقوق کے حصول، کشمیر میں امن کی بحالی اور تمام عوامی مسائل کے لیےے یگیہ کا اہتمام بھی کیا۔
شیو سینکوں نے مہاراجہ ہری سنگھ کے مجسمہ کے مقام پر پارٹی کے ریاستی صدر منیش ساہنی کی قیادت میں اپنا احتجاج درج کرانے کے لیے "سدبدھی یگیہ" کا اہتمام کیا۔ جب یگنیا کیا جا رہا تھا تو شیو سینکوں نے اپنے ہاتھوں میں پلے کارڈز اٹھا رکھے تھے جن میں 'ترقی کا وعدہ، روزگار ادھورا'، 'جموں کو بیچنا بند کرو'، 'جموں کے لیے علیحدہ ریاست، ڈوگرہ ثقافتی اور شناخت کو محفوظ بنائیں اور ' 2022 میں جموں کو فروخت کرنا بند کرو کے نعرہ درج تھے۔
اس موقع پر اپنے خطاب میں منیش ساہنی نے کہا کہ 2020 اور 2021 جموں و کشمیر کے لوگوں کے لیے اداسی اور بدقسمتی سے بھرے ہوا تھا جہاں ایک طرف کورونا وبا نے تباہی مچا رکھی ہے اور دوسری طرف مرکزی حکومت جموں کے عوام سے کیے گئے اپنے تمام وعدوں کو توڑ رہی ہے۔
