ڈوڈہ میں سڑک حادثہ، ایک ہلاک دو زخمی

ضلع ڈوڈہ کے دور دراز علاقہ گواڑی میں ایک گاڑی حادثے کا شکار ہوگئی اور اس حادثے میں ایک شخص ہلاک جبکہ دو افراد بری طرح زخمی ہوئے ہیں۔

تفصیلات کے مطابق بدھ کے روز صبح آٹھ بجے ایکو گاڑی انہار سے گواڑی کی جانب جارہی تھی تب ہی بھلیسہ گواڑی کے مقام پر یہ حادثہ پیش آیا۔

عینی شاہدین کے مطابق یہ حادثہ اس وقت پیش آیا جب ڈرائیور گاڑی میں موجود نہیں تھا اور گاڑی خود ہی ڈھلوان سڑک پر آگے نکل پڑی اور ایک گہری کھائی میں جاگری۔

جس کے نتیجہ میں ایک شخص موقع پر ہی ہلاک ہو گیا اور دیگر دو افراد زخمی ہوئے ہیں نزدیکی اسپتال چنگا میں داخل کیا گیا ۔

دو زخمیوں کو مزید علاج کے لیے چنگا اسپتال سے میڈیکل اسپتال ڈوڈہ منتقل کیا گیا ہے، حادثہ میں ہلاک ہونے والے شخص کی شناخت چتر سنگھ کے طور ہوئی ہے جو اسی علاقے کا رہنے والا ہے۔