جنوبی کشمیر کے ضلع پلوامہ کے سنگروانی گاؤں میں منگل کو ایک روزہ ریونیو کیمپ کا انعقاد کیا گیا۔ دن بھر جاری رہنے والے اس کیمپ میں سینکڑوں لوگوں نے شرکت کی اور ایس ٹی سرٹیفکیٹ، ڈومیسائل سرٹیفکیٹ، سوشل ویلفیئر اسکالرشپ کے لیے انکم سرٹیفکیٹ اور محکمہ ریونیو سے متعلق بہت سی مزید دستاویزات کی تصدیق مکمل کرکے پروگرام سے فائدہ اٹھایا۔
اس موقع پر مقامی لوگوں نے کہا کہ وہ پرامید ہیں کہ اس طرح کے پروگرام ہر ماہ دو تین بار منعقد کیے جائیں۔
ای ٹی وی بھارت سے راجپورہ پلوامہ کے تحصیلدار راغب احمد نے کہا کہ یہ پروگرام ان لوگوں کے لیے منعقد کیا گیا ہے جو مرکزی تحصیل دفتر سے بہت دور رہ رہے ہیں اور جو کسی وجوہات کی وجہ سے تحصیل دفتر تک پہنچ نہیں پاتے۔
مزید پڑھیں: ماکھن لال بندرو کی رہائش میں صف ماتم
پردھان منتری آواس یوجنا کے مستفیدین سے تحصیلدار نے کہا کہ 'اس تعلق سے جو پورٹل تھا وہ بند کیا گیا تھا اور چند ہفتے قبل اسے دوبارہ بحال کیا گیا تھا امید ہے کہ اب آنے والے وقت میں تمام زیر التوا معاملات کو جلد پورا کرلیا جائے گا۔
