مرکز کے زیر انتطام جموں و کشمیر کے لیفٹیننٹ گورنر گریش چندر مرمو نے اپنے شوپیان دورے کے دوران مطالبات اور امور کا جائزہ لینے کے لئے 17 مختلف وفود سے بات چیت کی اور کہا کہ' ترقیاتی عمل کے لئے عوامی سطح پر فعال شرکت لازمی ہے اس پر خصوصی توجہ دینی لازمی ہے۔
وفد میں بی ڈی سی، ایم سی، فروٹ گرورز ایسوسی ایشن، کولڈ اسٹور یونٹ ہولڈرز، گیگرین یونٹ ہولڈرز، تاجر ایسوسی ایشن، ایس ٹی قبائلی ممبران، سیول سوسائٹی شوپیاں، نان مہاجر پنڈتھیس کے علاوہ چتراگام، امام صاحب اور کیلر علاقوں کے رحمت للعلمین ٹرسٹ کے ممبران اور م این جی بھی او شامل تھے۔
لیفٹیننٹ گورنر کے ہمراہ مشیر بصیر احمد خان، ڈویژنل کمشنر کشمیر، پی کے قطب، ظفر اقبال منہاس، آئی جی پی کشمیر، ڈپٹی آئی جی پی کشمیر رینج، ڈسٹرکٹ ڈویلپمنٹ کمشنر شوپیان، چودھری محمد یاسین، ایس ایس پی شوپیان اور باقی اعلیٰ افسران شامل تھے۔اس دوران لیفٹیننٹ گورنر نے 17 وفود سے ملاقات کی اور ان کی شکایات، ان کے پیش کردہ مطالبات کا جائزہ لیا۔
واضح رہے کہ عوامی دربار منی سیکرٹریٹ آرہامہ شوپیان میں منعقد کیا گیا۔ وفد کے ممبروں کے ساتھ بات چیت کرتے ہوئے لیفٹیننٹ گورنر نے بتایا کہ حکومت جموں و کشمیر کے عوام کی ترقیاتی ضروریات کو حاصل کرنے کے لئے مختلف اقدامات اٹھا رہا ہے جس میں خصوصی توجہ کے ساتھ ترقیاتی عمل میں عوام کی شرکت کے ذریعے جمہوریت کی مجموعی سطح کو مضبوط بنانے پر خصوصی توجہ دی جارہی ہے۔
عوامی فلاح و بہبود کی اسکیموں کے موثر نفاذ پر زور دیتے ہوئے، انہوں نے مقامی لوگوں سے کہا کہ وہ مختلف فلاحی منصوبوں کا زیادہ سے زیادہ فائدے اٹھائے اور حکومت کی جانب سے شروع کیے گئے ترقیاتی پروگرامز میں بڑھ چڑھ کر حصہ لیں۔
لیفٹیننٹ گورنر نے نئے تیار کردہ ریشی نگری پل، نالہ وشو پر زینہ پورہ پل،گجر اور بیکروال ہوسٹل شرمال، واٹر سپلائی اسکیم شرمال کا آن لائن افتتاح بھی کیا اس کے علاوہ انہوں نے کئی نئے پروجیکٹس کا سنگ بنیاد رکھا۔
لیفٹیننٹ گورنر نے لوگوں کو یہ بھی مشورہ دیا کہ وہ کوڈ 19 پر مشتمل ہونے کے حوالے سے حکومت کو وقتا فوقتا جاری کردہ تمام ایس او پی کی طرف سے ماسک پہننے اور معاشرتی فاصلے کو برقرار رکھنے کے سلسلے میں تمام ضروری احتیاطی تدابیر اختیار کریں۔
انہوں نے ضلع شوپیان مساجد کے اماموں اور علماء اکرام سے کہا کہ وہ اپنی مساجد میں اعلانات کرکے کووڈ-19 وائرس کے پھیلاؤ کے حوالے سے ضروری احتیاطی تدابیر اپنائیں اور لوگوں کو وائرس کے پھیلاؤ سے آگاہ کریں۔
انہوں نے پولیس اہلکاروں کو یہ ہدایت کی کہ وہ روزانہ کی بنیاد پر اپنی گاڑیوں کے ذریعے اعلانات کریں تاکہ لوگ گھروں سے غیر ضروری طور پر نقل مکانی نہ کریں۔
انہوں نے ماسک پہننے، معاشرتی فاصلے کو برقرار رکھنے اور غیر اخلاقی طور پر نقل و حرکت نہ کرنے پر زور دیا اور کہا کہ' اس مقصد کے لئے مزید پابندیاں عائد کی جائیں گی تاکہ کووڈ -19 وائرس کے پھیلاؤ کو کم کیا جاسکے۔
لیفٹیننٹ گورنر کے شوپیان دورے کے دوران بی جے پی کارکناں نے ضلع انتظامیہ شوپیان کے خلاف الزام عائد کرتے ہوئے اس وقت احتجاج کیا جب ان کے مطابق انہیں لیفٹیننٹ گورنر سے ملاقات کرنے کی اجازت نہیں دی گئی۔
مزید پڑھیں:
خاتون رہنما کا بی جے پی سے استعفیٰ
بی جے پی کارکنان نے ضلع انتظامیہ کے خلاف زبردست نعرے بازی بھی کی۔تاہم اس حوالے سے ڈپٹی کمشنر شوپیان چودھری محمد یاسین نے بتایا کہ بی جے پی کارکنان کے تحت لگایا گیا الزام بے بنیاد ہیں اور جو شخص اس تعلق سے میڈیا سے جو باتیں کہ رہا ہے وہ سراسر غلط ہے۔
