سابق ایچ او ڈی نے اپنے آپ کو بتایا بےداغ

جموں یونیورسٹی کے محکمہ جیولوجی کے سابق ایچ او ڈی،طلبہ اور پروفیسرز کے درمیان شروع ہوا تنازعہ رکنے کا نام نہیں لے رہا ہے۔

واضح رہے کہ جیولوجی کے سابق ایچ او ڈی اوتار سنگھ نے انہیں عہدے سے ہٹانے کا ٹھیکرا پروفیسر جی ایم بھٹ پر پھوڑا ہے۔

اوتار سنگھ نے پریس کانفرینس میں کہا کہ جے یو انتظامیہ نے ایسے پروفیسرز پر کوئی کاروائی کرنے کے بجائے ان پر ہی کاروائی کر دی جبکہ پروفیسر جی ایم بھٹ اپنے 2 ساتھیوں کے ساتھ طلبہ کو اکسا کر ان کے خلاف دھرنے پر بیٹھ گئے، جو قوانین کے خلاف تھا۔

عہدے سے ہٹائے جانے کے بعد سابق ایچ او ڈی اوتار سنگھ نے الزام عائد کیا ہے کہ انہوں نے جی ایم بھٹ کے خلاف پہلے ہی شکایت درج کرائی تھی کہ انہوں نے ضلع بھدرواہ میں جے یو کیمپس فنڈ میں بدعنوانی کی ہے اور اس کی رپورٹ جے یو انتظامیہ کو پیش کیا ہے۔

ان کا مزید کہنا ہے کہ اب وہ اس معاملے کو لیکر پوری تہہ تک جائیں گے۔ اس کے لیے انہیں جموں و کشمیر کے لیفٹیننٹ گورنر کے پاس ہی کیوں نہ جانا پڑے۔