ملبہ گرنے کی وجہ سے ریلوے کا ایک مزدور زخمی ہوگیا ہے، اس دوران کچھ مشینیں اور سامان بھی ملبے میں دب گئے، ملبہ گرنے کی وجہ سے سرنگ سے باہر جانے کا راستہ بھی بند ہو گیا ہے، جس سے ایمرجنسی میں ٹوئن ٹیوب کے ذریعہ اندر پھنسے تمام ملازمین کو باہر نکالا گیا۔
فی الحال انتظامیہ نے مرکزی سرنگ کا کام روکنے کے بعد پولیس کو سرنگ کے باہر تعینات کر دیا ہے۔
منگل کی رات مرکزی سرنگ کے اندر کام جاری تھا، اس وقت سرنگ کے اندر پانچ درجن سے زائد ملازمین کام کر رہے تھے، منگل کی رات تقریبا ڈیڑھ بجے مرکزی سرنگ کے منہ سے ڈیڑھ سو میٹر کے اندر اچانک پہاڑ سے پتھر اور ملبہ سرنگ کے اوپری حصے میں گرنے لگا، اگرچہ اس جگہ پر پرائمری سپورٹ لگایا گیا تھا۔ لیکن ملبے کے سامنے کوئی سپوٹ نہیں رک سکا اور پہاڑ کا کافی ملبہ و پتھر سرنگ کے بالکل درمیان میں گر جانے کے باعث مرکزی سرنگ سے باہر جانے کا راستہ بند ہو گیا۔
اس سلسلے میں وی سی سی ایل کمپنی کے جنرل منیجر مکیش سریواستو نے بتایا کہ اس بار موسلا دھار بارش ہوئی ہے جس کی وجہ سے ملبہ گر گیا ہے، انہوں نے ایک ملازم کے معمولی زخمی ہونے اور کچھ مشینری کے ملبے میں دبے ہونے کی تصدیق کی ہے۔
