ضلع راجوری کے بلاک درہال میں پہلی ڈوز کا سو فیصد ویکسینیشن مکمل ہونے کے بعد بلاک میڈیکل آفیسر درہال ڈاکٹر نگینہ نے میڈیا سے کہا کہ میڈیکل عملے نے اپنی پوری جدوجہد سے 18 سال سے زائد تمام عمرکے لوگوں کو سو فیصد کوونا کی پہلی خوراک لگائی ہے۔
میڈیکل آفیسر رہال نگینہ نے کہا کہ 'ہمارے عملے نے دن و رات محنت کرکے 18 برس سے زائد تمام عمر کے لوگوں میں کورونا ویکسین کی پہلی ڈوز مکمل کرادی ہے۔
میڈیکل افسر نے لوگوں کا بھی شکریہ ادا کیا کہ انہوں نے محکمہ کا ساتھ دیا اور پہلی ڈوز لگوائی ہے، وہیں انہوں نے عوام سے اپیل کی ہے کہ اب دوسری ڈوز شروع کردی گئی ہے۔ تمام لوگ پہلےکی طرح دوسری ڈوز بھی لگوائیں۔
مزید پڑھیں: بھارت میں کورونا کے 18,987 نئے کیسز
بلا ک میڈیکل آفیسر درہال نے لوگوں سے تعاون کی اپیل کی اور کہا کہ بہت جلد 18 سے کم عمر کے تمام بچوں کے لیے بھی جلد ویکسین شروع کی جائے گی۔
