جے پور:غریبوں کے لیے نگرنگم کا قابل ستائش قدم

'وال آف کائنڈنیس' ایک ایسا شوروم جہاں غریبوں مزدوروں کے لیے پرانے کپڑے جمع کیے جاتے ہیں، جے پور نگرنگم نے اس کے لیے ایک شوروم تعمیر کرایا ہے جہاں لوگ اپنے پرانے کپڑے جمع کرارہے ہیں اور ہر روز دس سے پندرہ لوگ یہاں سے کپڑے لے جاتے ہیں۔

ریاست راجستھان کے دارالحکومت جے پور نگر نگم کی جانب سے' وال آف کائنڈنیس' کے ذریعے اب بآسانی غریبوں مزدوروں کو کپڑے مہیا کرا ئے جا رہیں ہیں۔

واضح رہے کہ اس 'وال آف کائنڈنیس' کا آغاز تین برس قبل دنیا کے کئی ملکوں میں کیا گیا تھا، اس جگہ لوگ اپنے پرانے کپڑے لاکر جمع کراتے ہیں تاکہ ہر غریب شخص کو بآسانی یہاں سے کپڑےمل سکیں۔

جے پور نگر نگم نے باضابطہ طور پر 'وال آف کائنڈنیس' نام سے ایک شو روم تعمیر کرا یا ہے، نگر نگم کے انجینئرسدھیر کمار کو اس شو روم کی ذمہ داری سونپی گئی ہے۔

پرانے کپڑوں کو یہاں جمع کرا کر اس کی صاف صفائی اوردھلائی کی جاتی پھر اسے الماریوں اور کاؤنٹرز میں سجایا جا تا ہے۔

سدھیر کمار کا کہنا ہے کہ' تقریبا تین برسوں سے چل رہے اس 'وال آف کائنڈنیس' میں ہر روز 10 سے 15 لوگ کپڑے لینے آتے ہیں۔

انہوں نے کہا کہ خاص طور پر صبح او شام یہاں کافی بھیڑ رہتی ہے اور مزدور طبقے کے لوگ اپنے خالی اوقات میں یہاں آتے ہیں۔

سدھیر کمار کا مزید کہنا ہے کہ' اب کپڑے کے ساتھ ساتھ لوگ یہاں پرانے کھلونے بھی جمع کراتے ہیں جنہیں غریب بچوں میں تقسیم کیا جاتا ہے۔