ریاست راجستھان کے دارالحکومت جے پور کے آمیر علاقے کے کنڈا گاؤں میں ایک نوجوان خاتون کی نعش ملنے سے علاقے میں سنسنی پھیل گئی۔ نعش کے پاس خاتون کی اسکوٹی اور ہلمیٹ کے ساتھ ساتھ کی دیگر چیزیں بھی ملی ہیں۔
معلومات کے مطابق کچھ لوگ صبح جب یہاں سے گزر رہے تھے تو انہیں خاتون کی یہ نعش یہاں پر نظر آئی ان لوگوں نے پولیس کو اطلاع دی جس کے بعد آمیر سمیت دیگر علاقے کی پولیس کے جوان موقع پر پہنچے اور کاروائی شروع کی۔
پاس ملے ثبوت کی بنا پر پولیس اس خاتون کی شناخت کرنے کی کوشش کر رہی ہے۔ وہی نعش ملنے کی اطلاع ملنے پر پولیس کے تمام اعلیٰ افسران بھی موقع پر پہنچے ۔
ایف ایس ایل 3 کے ساتھ ساتھ دیگر محکمے کے ذمہ داران بھی یہاں پر پہنچے اور ایک ایک چیز کو اپنے ساتھ لے گئے وہیں خاتون کا پوسٹ مارٹم کیا جائے گا اس کے بعد ہی پورا معاملہ سامنے آئے گا کی خاتون کے ساتھ کیا گیا ہے۔
پولیس کے مطابق جےپور سمیت دیگر علاقے کے پولیس تھانوں کو اس خاتون کو لے کر اطلاع دے دی گئی ہے۔ جہاں پر بھی گمشدگی کی رپورٹ درج کروائی گئی ہوگی وہاں سے اس خاتون کے بارے میں معلومات لی جائے گی اور جلد ہی پورے معاملے کا خلاصہ بھی کیا جائے گا۔ انہوں نے کہا کی یہاں پر ہر ایک ثبوت کو پولیس کی جانب سے جمع کرلیا گیا ہے۔
