آئندہ ماہ اگست کی 17 تاریخ کو ریاست راجستھان میں دارالحکومت جے پور کے کلیکٹریٹ میں ’’راجستھان مسلم وقف بورڈ‘‘ کی کئی نشستوں کے لیے ووٹنگ ہوگی۔
ووٹنگ متولی کوٹے کے ممبر، رکن اسمبلی کے کوٹے کے ممبر اور رکن پارلیمنٹ کے کوٹے کے ممبر کے لئے ہوگی۔
متولی کے کوٹے کے لیے دو نشستوں پر ووٹنگ ہو سکتی ہے، وہیں رکن اسمبلی اور رکن پارلیمنٹ کے لیے ایک نشست پر ووٹنگ ہوگی، متولی کوٹہ کے لئے 177 ووٹرس فی الحال طے کیے گئے ہیں۔ وہیں رکن اسمبلی نشست کے لیے نو ووٹرس اور رکن پارلیمنٹ کے لیے تین ووٹرس کا اعلان کیا گیا ہے۔
مزید پڑھیں؛ شہری علاقوں میں ترقیاتی منصوبوں کی بروقت تکمیل ہو: گہلوت
ان تمام انتخابات کے نتائج آنے کے بعد وقف بورڈ کے چیئرمین کے لیے انتخابات ہوں گے۔ ابھی وقت بورڈ کے چیرمین کے انتخابات کا اعلان نہیں کیا گیا ہے، وہیں اس مرتبہ ہونے والے مسلم وقف بورڈ کے انتخابات کو لے کر عوام میں کافی جوش اور جذبہ نظر آرہا ہے۔
