مدرسہ پیرا ٹیچرز (Madrassa Para Teachers)، راجیو گاندھی پیرا ٹیچرز اور سکشا کرمیوں نے اتوار کو جے پور میں ریلی نکالنے کا اعلان کیا ہے۔ یہ ریلی، جے پور کے چاند پول علاقہ سے روانہ ہوگی اور چھوٹی چوپڑ، بڑی چوپڑ، چار دروازہ میں ختم ہوگی اور یہاں پر ایک بڑا پروگرام منعقد کیا جائے گا۔ اس بات کا اعلان سنیکت مورچہ کے سربراہ شمشیر بھالو خان نے کیا۔
شمشیر بھالو خان کا کہنا ہے کی حکومت کی جانب سے ہمارے مسائل پر توجہ نہیں دی جا رہی ہے۔ اس لیے اب سخت اقدامات کی ضرورت محسوس کی جارہی ہے۔
یہ بھی پڑھیں: راجستھان مدرسہ پیرا ٹیچرز نے اسدالدین اویسی سے ملاقات کی
واضح رہے کہ راجستھان مدرسہ پیرا ٹیچرز، راجیو گاندھی پیرا ٹیچرز اور سکشا کرمی 15 اکتوبر سے جے پور کے شہید اسمارک پر غیرمعینہ دھرنا دے رہے ہیں، لیکن ان لوگوں کے مطالبہ کی جانب حکومت توجہ نہیں دے رہی ہے۔
اتوار کو جے پور میں ہونے والی ریلی کے مدنظر حکومت کے نمائندوں نے مظاہرین کو سکریٹریٹ میں بات چیت کے لیے بلایا تھا، لیکن اس مرتبہ بھی بات چیت کا کوئی حل نہیں نکل سکا۔ فی الحال احتجاجیوں نے بتایا کہ شہید اسمارک پر کیا جارہا مظاہرہ جاری رہے گا۔
