خاص بات یہ ہے کہ پہلی فلائٹ 420 حج مسافروں کو لے کر سیدھے مدینہ کے لیے اڑان بھرے گی۔یکم اگست تک 19 فلائٹ میں ریاست کے 6740 مسافر اس بار حج کے مقدس سفر پر جائیں گے۔ 19 فلائٹ میں سے قریب بارہ فلائٹ کا وقت دیر رات سے صبح تک ہوگا۔ جےپور ایئرپورٹ پر حج مسافروں کے لئے ایئرپورٹ لگیج چیکنگ کے لیے 'کنویئر بیلٹ' لگائی جائے گی اس سے مسافروں کو زیادہ انتظار نہیں کرنا پڑے گا۔
پہلی فلائٹ سیدھے مدینہ جائے گی
راجستھان حج ویلفیئر سوسائٹی کے جنرل سیکرٹری حاجی نظام الدین نے بتایا کہ اس بار 19 فلائٹ حج مسافروں کو لے کر جائے گی جن میں زیادہ تر فلائٹ کا وقت رات کو ہے۔ انہوں نے بتایا ہے کہ 25 تاریخ کو چار فلائٹ جے پور سے ایک دن میں جائے گی۔
انہوں مذید بتایا کہ اسٹیٹ حج کمیٹی کی جانب سے حج مسافروں کی آن لائن رپورٹنگ شروع ہو گئی ہے۔ اس وجہ سے مسافروں کا ایک دن بچے گا۔
