عازمین حج ظہیر الدین بابر ای ٹی وی بھارت کے ساتھ بات چیت کرتے ہوے رو پڑے۔ انہوں نے کہا کہ' شروع میں ان کا نام ویٹنگ لسٹ میں تھا پھر بعد میں کلیر ہوگیا۔ انہوں نے اپنی بیوی، بہنوئی اور بہن کے ساتھ سفر حج میں جانے کے لیے پوری تیاریاں کرلی تھیں لیکن شاید قسمت کو یہ منظور نہ تھا اور عالمی وبا کورونا وائرس نے دستک دی۔ تبھی سے حالات سازگار نہیں ہے اور یہ مقدس سفر منسوخی کے دہانے پر ہے۔
انہوں نے کہا کہ' شاید خدا کو کچھ اور ہی منظور ہے، خدا کے سامنے کسی کی نہیں چلتی اور اب صبر کررہے ہیں۔
انہوں نے کہا کہ' گذشتہ شب جب مرکزی حج کمیٹی کی جانب سے سرکلر جاری کیا گیا تو ہمیں پورا یقین ہو گیا کہ اس بار یہ نہیں ہو پائے گا اتنا کہہ کر ان کا چہرہ غمگین ہوگیا اور رو پڑے۔ ظہیر الدین کی بیوی ناز نے بتایا کہ ہمیں کافی زیادہ افسوس ہے کہ اس بار وہ مقدس حج پر نہیں جا پائیں گے'۔
