جے پور: مدرسہ پیرا ٹیچرس دو اکتوبر سے ڈانڈی مارچ کا آغاز کریں گے

کل یعنی دو اکتوبر کو گاندھی جینتی کے موقع پر مدرسہ پیرا ٹیچرس خود کو مستقل کرنے کے مطالبے کو لیکر ڈانڈی مارچ نکالینگے۔ یہ ڈانڈی مارچ راجستھان کے ادے پور سے سے شروع ہو گی۔

ڈانڈی مارچ کو لے کر مدرسہ پیرا ٹیچرس کا کہنا ہے کہ رواں برس 22 نومبر 2020 کو راجستھان حکومت نے ہم لوگوں سے بات چیت کے دوران یہ کہا تھا کہ 30 اکتوبر 2021 آپ تمام لوگوں کو مستقل کر دیا جائے گا، اس لیے آپ سبھی لوگ ڈانڈی مارچ ختم کر دیجیے، جس کے بعد ہم لوگوں کی جانب سے ڈانڈی مارچ کو روک دیا گیا تھا۔

لیکن ایک برس کے بعد میں جب ہم لوگ راجستھان کے وزیر اعلیٰ اشوک گہلوت سے ملاقات کرنا چاہتے ہیں تو ہم لوگوں کو پولیس ملنے نہیں دے رہی ہے۔

انہوں نے کہا کہ ہم گزشتہ کئی سال سے خود کو مستقل کرنے کا مطالبہ حکومت راجستھان سے کر رہے ہیں، لیکن حکومت ہماری جانب توجہ نہیں دے رہی ہے۔

اس لئے ہم ایک بار پھر کل یعنی دو اکتوبر 2021 سے ڈانڈی مارچ کا آغاز ادے پور سے کرنے جا رہے ہیں۔ اس مارچ میں ہزاروں کی تعداد میں لوگ شرکت کریں گے اور گجرات کے ڈانڈی تک جائیں گے۔